就算香港係濕凍，一到冬天，我哋嘅皮膚都避免唔到會乾燥甩皮。身體補充唔夠水份就好容易會繃緊，甚至乾到痕或者有刺痛感。特別係對於乾燥沙膜肌、敏感肌，甚至濕疹肌嘅人嚟講，冬天揀潤膚乳真係要好小心，太清爽無用、太厚身又會覺得好焗同好笠，揀唔啱仲好容易會令到皮膚問題更加嚴重。
小編整合咗5款適合唔同膚況嘅身體乳液，由日常保濕到乾燥急救都有，希望大家可以搵到最啱自己嘅Body Lotion！
1️⃣Aveeno 燕麥長效保濕潤膚乳 (極乾配方) (藍色版）
Aveeno 藍色版燕麥長效保濕潤膚乳屬於高滋潤型 body lotion，主打燕麥成份(Colloidal Oatmeal），有助舒緩乾燥引起嘅痕癢，同時強化皮膚保水力。佢嘅質地偏厚，搽上身會有明顯鎖水感，特別適合冬天乾到起白屑、繃緊甚至微痕嘅皮膚。保濕效果長達72小時，適合夜晚或低溫天氣使用；不過對於怕笠或夏天使用嘅人嚟講，可能會覺得偏重。
2️⃣ Aveeno 燕麥長效保濕潤膚乳 (普通/乾肌配方) (綠色版)
Aveeno 綠色版燕麥長效保濕潤膚乳屬於較輕盈嘅保濕配方，同樣加入燕麥成份(Colloidal Oatmeal），著重為日常乾肌提供穩定保濕同舒緩效果。佢嘅質地比藍色版薄身，吸收較快，搽完會感覺到皮膚表面有層保護膜，適合普通至乾性肌膚使用。尤其係天氣轉涼時出現輕微繃緊或乾燥情況，呢支可以作為每日保養選擇。如果你怕藍色版太笠，綠色版會係一個比較平衡嘅選擇。
【冬天身體保濕⛄】Aveeno 燕麥長效保濕潤膚乳 (普通/乾肌配方) 532ml
3️⃣ Illiyoon 神經醯胺保濕身體乳液
Illiyoon保濕身體乳液主要成份係神經醯胺(Ceramide)，佢可以重點修復同穩定皮膚屏障，而唔係單靠油份即時滋潤。質地屬中等偏清爽，吸收後唔會覺得笠，適合每日使用。配方不含香料同酒精，對敏感肌、濕疹肌或容易因轉天氣而泛紅痕癢嘅皮膚相對友善。不過保濕屬穩定型，對極乾或爆拆狀態，可能需要疊加更滋潤嘅產品。
4️⃣ AESTURA Atobarrier 365 身體乳霜
AESTURA Atobarrier 365身體乳霜屬於偏醫學護膚取向，主打高濃度保濕同屏障修復，特別針對乾燥、脆弱同容易反覆乾裂嘅皮膚。配方加入神經醯胺、脂肪酸等成份，模擬健康皮膚屏障結構，有助減少水分流失。佢嘅質地偏厚但延展性好，推薦比想急救乾裂問題人士使用。
【乾紋急救💦】AESTURA Atobarrier 365 身體乳霜 250ml
5️⃣ Glysomed Body Lotion
Glysomed Body Lotion主打清爽保濕，質地偏水狀，吸收速度快，搽完唔會有焗住或者黏笠感，比較適合春夏天或怕厚重質地嘅人使用。配方以基礎保濕成份為主，能為皮膚補充水分，改善乾燥繃緊感，但滋潤度相對溫和。對於日常輕度乾燥肌膚係一個易用嘅選擇，不過冬天乾到起白屑或爆拆情況，保濕力可能未必足夠。
